Hato – Diasabra atardi pa mas o menos 6:30 varios unidad policial y ambulance a wordo manda na e viaduct pazuid di EPB Hato.
Eynan un criatura a accidenta cu su bicicleta.
Na prome instante a pensa cu kizas ta auto a dal un mucha ariba bicicleta, pero esaki no tawata e caso.
Na e sitio nos a compronde cu e criatura hunto cu su mama y ruman a bay core bicicleta.
Na e sitio nos a papia cu e tata y e la conta nos cu e mester a topa nan na rotonde Ling & Sons.
Loke a bay a robes
E accidente a sosode momento cu e tire di e bicicleta a pega den e lodo y e bicicleta a bay dal contra e Arubaantje(pilar) pa despues dal su cabes.
Un impacto hopi duro unda e tire a dobla, unda e la haya golpi fuerte na cabes cu a causa cu despues e no ta corda nada di kiko a pasa.
Ambulance posiblemente door di drukte a tarda toch un poco, haciendo e mayornan mas cu claro desespera.
Na yegada di Ambulance Paramediconan a baha y a papia cu e criatura(mucha muhe) y despues nan a yude lanta unda e la cana subi ambulance loke ta un bon señal.
Na Hospital nan lo haci un check up mas extenso di e golpi cu e la ricibi.
