Home Entertainment Bo tabata sa pakiko nos ta celebra aña nobo riba 1 di...

Bo tabata sa pakiko nos ta celebra aña nobo riba 1 di januari

SHARE

Riba 1 di januari manera ta nos tradicion nos ta celebra aña nobo. Danki na Papa Gregorio XIII y e Romanonan nos ta celebre riba 1 di januari.

E Romanonan a set nan calender rond 738 aña prome cu Cristo, esaki a wordo geset riba e posicion di e luna. E calender aki tabata tin 10 luna y tabata cuminsa na e luna di maart, yama na e Dios di guera Mars, cu e intencion cu durante e celebracion di aña nobo tur guera mester stop.

E rey Romano Numa Pompilius durante su imperio, (entre 753 pa 673 anja prome cu Cristo) a ahusta e calender aki pa motibo cu e seizoennan despues di un par di aña no tabata cay mas den e mesun temporada. Numa Pompilius a añadi dos luna acerca, cu ta januari & februari.
E luna januari a wordo yama na e Dios Romano Janus. E Dios aki ta Dios di un comienzo nobo, e tin dos cara y ta mira den dos direccion. Esaki ta exactamente locual nos te awe ta haciendo tambe tur fin di aña. Nos ta mira kiko tur nos a laga tras y nos ta mira e aña nobo. como uno hopi positivo y cu yen di bon deseo.
Segun Numa Pompilius, januari ta un bunita luna pa cuminsa un aña.

Pa mas o menos 46 aña prome cu Cristo, Julio Cesar a adapta e calender aki un biaha mas. Pa motibo cu e calender ainda no tabata cana bon compara cu e seizoennan. E la introduci den su imperio e calendar Juliano, e calender aki no tabata basa riba e posicion di luna pero di solo. Hopi lihe e la wordo acepta den e Imperio Romano, pero despues di e caida di su imperio varios pais Cristian a bolbe tuma e calender bieu over.

Na aña 1582, Papa Gregorio XIII a tuma nota cu e calender Juliano no ta cana bon cu e schrikkeljaarnan y tabata tabata hopi dificil pa calcula e fecha exacto di Pasco di Resureccion. Papa Gregorio XIII na 1582 a ahusta e calender y den e calendar Gregoriano, 1 di Januari a keda, e prome dia di aña. E paisnan catolico a tuma mesora e calender ahusta aki over, paisnan Protestant of Orthodoxe a dura un poco prome cu nan a acepta e calender Gregoriano aki. Cual Calender cu te riba e dia di awe nos ta usa como nos calender.


Papa Gregorio XIII

No ta tur pais ta celebra aña nobo riba 1 di januari. Por ehempel e aña nobo chines y e aña nobo Hudiu ta cay riba diferente dia.