Home Police Varios unidad policial a bay Rooi Afo pa problema serio entre pareha

Varios unidad policial a bay Rooi Afo pa problema serio entre pareha

SHARE

Rooi Afo – Diadomingo merdia pasa di 12’or varios patruya a bay un adres na Rooi Afo unda un persona lo a bira histerico.

Na yegada di polis nan a bay un apartamento situa patras di un cas, eynan ta unda e problema tawata.

Dilanti e cas por a mira 4 auto di polis, dunando refuerso si tawata tin mester.

Na yegada e patruya a cuminsa averigua kiko tawata pasando.

A resulta cu tawata trata di problema di pareha, unda cu discusion a start dilanti un baby.

Pa evita problema polis a papia cu ambos adulto y e cabayero a opta pa bay keda un otro luga, di e manera ey evitando mas problema.

Segun por a compronde cu un di e mayornan ta sufri di problema mental.