Riba djarason 23 di desèmber BALÚ i PLANETA SPORTS a habri su portanan den Sambil Shopping Mall.
Apesar di e momentunan ku mundu henter ta pasando, Sambil ta sigui aportá na kresementu di e ekonomia di Kòrsou habriendo dos pakus nobo mas.
Balú ta un marka sumamente konosí ku mas di 38 pakus i awor a habri su portanan na Sambil Curaçao ku un espasio di mas ku 262 m2 ofresiendo un variedat amplio di paña, aksesorio pa hende hòmber i muhé pa tur tipo di okashon! BALÚ ta brinda e “comfort” berdadero i ta adaptá na e esfera ku bo ta aden, sea un ambiente kasual, sportief òf dèftu.
Riba e mesun dia aki kual ta djarason 23 di desèmber a habri portanan di Planeta Sports konosí tambe internashonalmente pa un kalidat superior di paña i artikulonan pa praktiká kualkier tipo di deporte tur esaki na preisnan sumamente ekonómiko.
Sambil ta super orguyoso i kontentu pa e konfiansa di e dos markanan aki ku a disidí pa bai pe reto i habri tambe aki na Kòrsou.
Sambil lo sigui krese ofresiendo e pueblo di Kòrsou mas variedat i kalidat p’asina un i tur por hasi kada kompra den un atmosfera komodo i sigur.
Nos ta invitá boso pa sera konosí ku BALÚ i PLANETA SPORTS i disfrutá di e kalidat i variedat di produkto ku bo por haña solamente na Sambil Shopping Mall.
