Home Local Ultimo dia pa laga mascotanan indesea na Centro di Control di Cacho...

Ultimo dia pa laga mascotanan indesea na Centro di Control di Cacho ta 23 di december

SHARE

 

 

ORANJESTAD – E Centro di Control di Cacho cu normalmente ta habri di dialuna pa diabierna, di 8’or di mainta pa 12’or di merdia, lo ta cera manera custumber durante e dianan di fiesta. 

Si ta desea di deshaci di mascota indesea, esey por solamente riba dialuna, diaranson y diabierna di 8’or di mainta pa 12’or di merdia.

Centro di Control di Cacho a tuma nota di un custumber lamentabel cu ta tuma luga tur aña y esey ta deshaci di mascotanan indesea. No ta solamente  ‘ruimop’ cas y cura pa Pasco y Aña Nobo, sino tambe ta ‘ruimop’ mascota indesea. 

E ultimo dia di e siman aki prome cu Pasco por trece bo mascota indesea na e Centro di Control di Cacho, ta diaranson awo, dia 23 di december 2020.