Palm Beach – Diamars durante ora di merdia den careda di 3’or polis di trafico mester a bay un biaha mas e crusada na Palm Beach pa un otro boksmento.
Dialuna anochi algo prome cu 8:30 p.m ya tawata tin un accidente na e mesun luga.
Por bisa cu den menos di 24 ora di tempo un otro accidente a sosode y di e mesun manera cu e dia anterior.
Na e sitio a presenta e mesun un agente policial cu a trata e accidente dialuna anochi y e la ripara por ta causando e accidentenan aki.
Mesora a pidi pa DOW cu ta e instancia concerni pa haci algo, prome cu ta laat.
Ta parse cu e automobilistanan biniendo di pabou pa sigui pariba “solamente” ta mira panort y ta crusa, sinembargo ora nan yega na e otro banda sea nan no ta pone atencion y/of e visibilidad na bo man drechi tambe ta hunga un factor.
Debi cu si ta un auto cu no ta dje halto ey, e baricadanan por stroba e bista.
Loke a pasa diamars merdia
E Kia Rio biniendo for di pabou no a duna preferencia na e Kia Sorento cu tawata biniendo di zuid.
Esaki a causa un impacto den e banda drechi di e Kia Sorento, pushando e na e mesun manera cu e accidente di dialuna anochi.
DOW a wordo notifica y lo mester a presenta pa mira e situacion peligroso aki pa asina drecha esaki posiblemente diaranson mes o sea mañan.
Takelwagen a presenta pa move ambos vehiculo.
