Dominicanessenstraat – Diahuebs atardi rond di 6’or bisiñanan den Dominicanessenstraat a scucha un zonido fuerte, mesora nan a sali tira bista.
Pafo nan a bin topa cu un auto pega contra un palo di luz.
Na stuur tawata tin un dama y hunto cu ne tawata su yiu. Ambos a resulta herida.
Loke a sosode
E auto tawata biniendo di pabou y dado momento aparentemente e dama na stuur a bira wak algo enbes di wak caminda.
Aki ta unda den e descuido e la kita bay na su man drechi y dal contra e palo di luz, por a mira cu e la dal basta duro tambe.
Dos ambulance a presenta unda un di nan a wordo atendi na e sitio y e otro si mester a wordo transporta pa Hospital.
Elmar y takelwagen tawata rekeri na e sitio mirando cu e palo di luz a sufri hopi daño y e auto no por a core mas ariba su mesun forsa.
