Home Corte Resumen di casonan den Corte di Prome Instancia riba 18 december 2020

Resumen di casonan den Corte di Prome Instancia riba 18 december 2020

SHARE

Corte di Prome Instancia 18 december 2020

Horario Sospechoso Acto Castigabel
08.30 L.E.A.N. A.N. ta wordo acusa di posesion di un arma di candela riba 17 di september 2020.
09.00 J.J.M.R. R. ta wordo acusa di a intencionalmente maltrata dos agente policial riba 28 di october 2020 y di resisti na forma violento su detencion dor di tres polis.

E ta wordo acusa adema di a menaza un persona cu morto riba 26 di juli 2019 dor di bise: “E biaha aki mi no ta bay basha bala riba e payasonan di circo, ma riba e doño di circo”.

09.45 E.E.E.M. M. ta wordo acusa di ladronicia cu violencia riba 15 di oktober 2020 di cuatro paki di bateria den un supermarket. E violencia a encera cu el a pusha un persona, a dal e varios biaha y a bise: “Abo a h***! Hala for di bandi mi, pasobra mi ta dal bo un t**** plama bo cara. Sali pafor pa bo wak ki c*** mi ta haci cu bo”.

E ta wordo acusa di ladronicia den e mes supermarket aki riba 13 di augustus 2020, den un botica riba 21 di januari 2020, den un otro supermarket riba 5 di februari 2018 y di un di tres supermarket riba 8 di februari 2018.

E ta wordo acusa di kiebro y ladronicia na un cas di un television y un playstation y otro propiedadnan di un persona riba 30 di januari 2018. 

E ta wordo acusa di ladronicia den un supermarket riba 31 di januari 2020.

10.30 J.G.K. K. ta wordo acusa di ladronicia di un speaker den un tienda di hardware riba 23 di juni 2020. E ta wordo acusa di ladronicia di un fan y herment di un persona riba 11 di september 2020, di un brommer di otro persona riba 17 di september 2020 y di T-shirts den un tienda riba 11 di juni 2019. E ta wordo acusa di ladronicia di propiedadnan di un hotel den e periodo di 27 di maart 2019 pa 7 di april 2019.