Trailer a kima na Sabana Basora Noord y un persona mester a wordo hiba Hospitaal, daño material ta grandi

Sabana Basora Noord – Diaranson merdia den careda di 2:30 informacion a drenta cu lo tin un cas of trailer na candela na un situa na Sabana Basora Noord.

Na yegada berdad polis a topa un trailer completamente na candela y cerca tawata tin un auto.

Vlamnan tawata grandi y esaki a causa bastante daño na muraya di e cas.

Un auto cu tawata cerca a logra wordo hala na ora pa e no kima. Mientrastanto varios unidad di Brandweer a yega y a cuminsa combati e candela.

Durante cu esaki tawata pasando polis a logra evacua tur hende cu tawata core peliger.

Na final ambulance a wordo pidi debi cu un mucha a kima na su pia y na yegada di Paramediconan nan a opta pa hibe Hospitaal pa mas tratamento.

Slachtofferhulp y recherche a presenta tambe.