Green Corridor – Diadomingo marduga manera a trece dilanti caba algo prome cu 2’or tawata tin un accidente fuerte entre 3 vehiculo ariba Green Corridor.
Esaki tawata mas pariba di rotonde di Mahuma.
Durante cu e accidente aki a sosode piedra, tera y un baranca a spart bay cay otro banda di caminda, esta esun cu ta bay direccion San Nicolas.
Un cabayera na stuur di un Kia bayendo direccion pariba pa un of otro motibo no a mira e baranca grandi ariba caminda.
E la pasa ariba e baranca, pero no a pone tino cu e baranca ta basta grandi.
Asina e la sigui core cu e baranca grandi bou di e auto cu ta di su mayornan, y a ripara cu e auto tawata keda lastra y core straño.
E momento eynan e la dicidi di baha caminda na su man drechi, pa bin realisa cu tawata trata di un baranca grandi cu lo a kibra e oil pan y causa daño parti dilanti.
E chauffeur algo mas cu 600 meter prome cu e la dicidi di para e auto.
Polis a presenta y tambe seguro.
Ken lo para responsabel pa e dañonan causa na e auto no ta duidelijk.
Diabierna anochi tambe pariba di rotonde di Sero Tijshi un Nissan March a accidenta y bolter, causando cu hopi piedra y baranca a spart y a bay dal un otro Nissan March pasando e otro banda bayendo Oranjestad.
