Home Local Cura Cabai Gas Station a habri oficialmente

Cura Cabai Gas Station a habri oficialmente

SHARE

 

SAN NICOLAS – Dos dia despues di su soft opening y sirbiendo e comunidad di pariba di brug, gerencia y personal a marca e apertura oficial di Cura Cabai Gas Station diasabra 12 di December 2020. Esaki tabata den presencia di un grupo chikito di invitado y cumpliendo cu tur protocol di prevencion di Covid-19. Di e manera aki celebra e punto culminante di varios luna di trabou duro, cu tur e retonan cu e aña aki a trece cune. Awor Cura Cabai tin su pomp stacion bek!
Manera ta conoci, pa un tempo largo e pomp stacion aki tabata cera, lagando un bashi atras pa esnan cu ta transita riba e caminda aki diariamente. Tras habri exitosamente na Paradera, gerencia a dicidi di deposita nan confiansa den e economia di Aruba, realisando un inversion cuantioso pa rehabilita e facilidad na Cura Cabai y dun’e un bachi nobo cu un concepto moderno.
E reaccionnan cu ya ta drentando ta positivo y e clientenan ta sumamente satisfecho cu e ambiente y servicio cu nan ta goza di dje na Cura Cabai Gas Station. Esaki ta ‘next level’ caminda bo por cumpra gasolin of diesel for di cualkier di e mashinnan, kier men no ta un so tin pa pone diesel. Tambe tin servicio di cumpra carchi prepaga di gasolin cu ta hopi bon pa bo kita f’e man un bes pa luna, y conveniente pa compania cu flotanan grandi di auto; pa por hiba maneho y control di e consumo.
Adicionalmente por cumpra coriente prepaid di Elmar N.V.. of probecha pa obtene productonan di limpieza, cuido y mantencion di auto. Si bo ta buscando un snack, mangel, of algo friu pa bebe; nan tin esey tambe pa bo. Pronto lo tin benta di tankinan chikito di gas. Y pa tur esaki bo por haci uso di bo carchi ScannyCash.
Gerencia di Cura Cabai Gas Station ta gradici CIBC Bank pa nan sosten y respaldo den e proyecto aki, ademas di tur otro persona cu a aporta pa el a bira realidad. E invitacion ta keda na un y tur, specialmente na e pueblo San Nicolas y bicindario pa pasa conoce boso gas station nobo. Pa mas informacion riba nos servicio of e orario di servicio, bishita y Like e pagina di Facebook: Cura Cabai Gas Station.