Noord – Diamars anochi pa mas o menos 10:30 polis a wordo informa di un accidente na e T-kruising altura di Café 080, y cu tin hende herida.
Mesora unidadnan di Noord y tambe Strandpolitie a bay e sitio.
Na yegada nan ta topa cu e dos auto un Kia Cerato y un Honda(RHD).
E Kia tawata cara panort mientras e Honda tawata cara pazuid.
Den e porta robes di e Honda e impacto a tuma luga. Eynan tambe tawata unda e ocupante cu ta un dama tawata sinta.
Door di e impacto e dama a resulta por bisa seriamente herida y tawata benta den e auto.
Su amiga cu lo ta e chauffeur a spanta y tawata grite pa e lanta y te hasta a bay asina leu di sacudi e amiga. E dama herida tawata keha di dolor y e medio comunica cu e Paramediconan, pero despues no a papia mas.
Door di e impacto contra e porta di auto Paramediconan a solicita pa Brandweer. Na yegada bomberonan mester a corta e porta pa asina saca e dama.
E crusada a wordo cera mesora door di varios patruya, pa asina evita autonan stroba trabou di ambulance y despues tambe bomberonan.
Polisnan di trafico a yega pa haci nan investigacion y compila datonan.
