Aruba Native Media, hunto cu Canal 22, ta invita tur hende pa sintoniza awe Diabierna 8’or y mey di anochi, Canal 22 of Arubanative Facebook page pa un documentario hopi interesante, den cual sra Vianca Arends Hoek ta conta for di momento cu su yiu a sali di cas, a haye envolvi den un accidente di trafico, den cual e la perde su bida y tur locual a sosode despues di e accidente fatal aki.
E aña aki a cumpli 6 aña cu Vianca a perde su yiu y ainda no a haya contesta riba su preguntanan. Con e accidente a sosode y contesta riba varios detayes cu no ta cuadra cu e realidad. Tambe e tin mas cu 6 aña wardando riba e resultado di autopsia di su yiu.
Vianca ta un mama cu ta sufriendo e perdida di su yiu stima, e ta conciente si cu su yiu no lo bolbe bek, pero no kier wordo manda mas di cashi pa muraya, pero como mama e tin derecho di haya un contesta riba e preguntanan cu ainda ta habri.