Wilhelminastraat – Diadomingo merdia Sra.Gomes di Fundashon Lisette Gomes y mama di e hobencita Naar cu tawata perdi a presenta dilanti warda di polis na Playa.
Ey nan kier a treci dilanti cu merdia ora e Cuerpo Policial a informa cu e mucha muhe Yulie Naar (15) a wordo haya na Mabon, y den compania di un amigo no ta cuadra cu e berdad.
Algun persona kizas no a lesa e relato bon, y a pensa cu polis ta bisando cu ta nan a haya e hobencita.
Durante un Live cortico dilanti warda di polis, nan a splica algun cos.
No a bay den mucho detayes, debi cu segun nos a compronde tin algun investigacion andando di kiko no ta duidelijk.
E mucha tawata den warda di polis y Slachtofferhulp tambe a presenta pa mira kiko lo bay sosode.
Segun e mama Yulie tawata tin contacto cu ne varios biaha durante cu e la desaparece.
Pues un caso un poco confuso, debi cu e mama no por papia mucho cos, posiblemente debi na un of mas restriction, pero ora ta asina leu e la bisa e lo bin dilanti y splika tur cos.
