Maltrato di cacho na Hulanda

7 cacho severamente neglisha a wordo saca diamars door di polis y dierenbescherming for di un cas na Winschoten. Nan tawata biba den un monton di desperdicio y sushi. Bisiñanan ta bisa cu e bestianan mester a wordo saca mas prome.
„Awe pa prome biaha e cachonan ta mira luz di dia”, polis a bisa. Segun bisiñanan, e accion aki mester a wordo tuma for di hopi tempo caba.
Nan ta bisa di a meld e caso aki na polis cuatro luna pasa. „Nan a djis papia cu e persona encarga, nan a dune un man y sigui nan caminda”, un di e bisiñanan a bisa.
Bisiñanan a mira cu e persona encarga no ta biba mas den e cas pero el a laga e cachonan atras. „Despues di un tempo el a haya un pareha. E ta biba cune awor. Tur anochi e ta bin aki cu un saco grandi di cuminda pa cacho.” Un otro ta bisa: „E ta hiba e cuminda paden, drenta su auto y core bai.”
„Ta straño cu esaki mester a dura asina largo”, un di nan a bisa. „Pober bestianan, no ta tristo? Polis a wordo yama hopi biaha y mi a tende cu a wordo manda cartanan pa gemeente, pero nada di esaki a yuda.”
Polis no por bisa cuanto keho a drenta. Mientrastanto e persona encarga a haya un proces-verbaal.