Home » E weer por tin influencia ariba coronavirus?

E weer por tin influencia ariba coronavirus?

by Admin
0 comment 70 views

No echt.
World Health Organization ta bisa cu e virus por wordo transmiti den cualkier tipo di weer y no tin motibo pa pensa cu weer friu lo por mate.
U.N. health agency ta bisa cu e virus ta wordo plama di hende pa hende. Awasero y sneeuw lo por yuda pa mengua e rastronan di e virus ariba bankinan of otro obhetonan pafo, pero transmision via obheto no ta wordo considera como un incidencia grandi den e pademia.
Scientificonan ta bisa cu e preocupacion di mas grandi pa cu weer friu ta cu esaki lo haci cu hendenan lo bai pasa mas tempo paden, potentialmente den lugarnan na unda tin aglomeracion, locual ta haci cu e virus por plama mas facil.
Estudionan a mustra un porcentahe significante di casonan ta tuma lugar den espacionan na unda hende ta comparti areanan comun manera cushina y baño.
WHO y otro instancianan a adverti tambe, cu den areanan cu poco ventilacion, transmision ta tuma lugar mas facil pasobra particulanan infeccioso por keda den aire pa varios ora.
E asina yama ‘superspreader events’ a tuma lugar den nightclub, gym y asta den koor na misa. Coronavirus no ta wordo transmiti mesun facil pafo, pasobra e aire fresco ta plama e particulanan, mientras cu pafo, hende tin mas chance di tene distancia. Pero expertonan ta bisa cu aunke bo ta pasa tempo largo pafo, transmision ta keda posibel si bo no ta hasi uzo di un mondkapje.
Oficialnan di salud ta bisa cu e miho manera pa stop transmision di e virus ta pa bisti mondkapje den publico, keda por lo menos 2 meter di distancia for di otronan cu no ta biba cubo y laba bo mannan frecuentemente.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio