WASHINGTON — Reguladornan federal a exigi Zoom pa fortalece su seguridad den un posibel arreglo di un caso den cual ta wordo alega cu e servicio di video conferencing a malinforma usuarionan tocante e nivel di seguridad pa cu online meetings.
Mediante e keho, ta acusa Zoom di a gaña usuarionan tocante su seguridad desde por lo menos 2016. E compania tawata dispone di asina yama ‘cryptographic keys’ cu ta dune acceso na contenido di meetings di su usuarionan, mientras cu Zoom a sigura e meetings cu un nivel mas abou di privacidad compara cu e nivel cu el a priminti.
Zoom a bira un di e sistemanan mas usa durante e pandemia pasobra e ta permiti hendenan pa meet online en bes di en persona. E compania a bisa di tin 300 miyon usuario, cu a wordo logra door di e miyones di trahadornan rond di mundo cu a wordo ordena pa traha na cas durante e primavera di 2020, mientras cu e virus a shut down un parti grandi di e economia.
E compania su promesanan a duna usuarionan un sentido di seguridad falso, specialmente esnan cu a uza e plataforma di videoconferencing pa discuti topiconan sensitivo manera informacion tocante salud y finansas. Por a ripara den blog posts, cu Zoom tawata promove su nivel di encryption como un rason pa consumidornan usa su servicionan.
E arreglo no ta inclui ningun consecuencia financiero pa e compania compania of restitucion pa usuarionan afecta.
Zoom a bisa cu ya caba el a trata e problemanan señala door di FTC. “E settlement aki ta pone nos sigui cu nos compromiso pa inova y mehora nos producto pa por ofrece un experiencia mas sigur di comunicacion via video,” e compania a bisa dialuna pasa.
