Ken nan Europa ta ta dominando e situacion di Covid efectivamente? Differente enfoke ta dunando diferente resultado

E di dos ola ta afectando Europa, cu un cantidad grandi di contagio diario na varios pais. Den esaki ta existi variacion, pero practicamente ningun pais a scapa, tampoco esunnan cu a logra domina e prome ola exitosamente.
Den 31 pais di cual European Centre for Disease Prevention and Control ta colectando informacion, e 14-day incidence rate pa 100.000 habitante a multiplica for di 13 na juli te na casi 250 siman pasa.
Mienstras cu e cantidad di hende cu mester wordo hospitaliza y interna den ICU, como tambe e cantidad di morto no ta siguiendo e mesun curva halto y ta keda hopi abou compara cu e nivelnan durante e primavera cu a pasa, toch e ta sigui aumenta y ta causando problemanan serio pa servicionan di salud den algun pais.
Francia a raporta mas di 40,000 caso nobo ariba 2 dia e siman aki, locual ta trese su 14-day incidence rate na 521. Medidanan estricto ta inclui toque de queda di 9pm-6am pa dos tercera parti di e populacion.
Alemania, cu tawata tin un infection rate mas abou cu mayoria pais di Union Europeo e primavera pasa, tambe ta mirando un aumento alarmante den casonan nobo: di 5.250 pa dia pa 13.500 e siman aki, un incidence rate di 128. Un aumento hopi serio, segun un fuente.
Spaña, un di e paisnan mas afecta durante e prome ola, atrobe ta confrontando un crisis, birando e prome pais di occidente Europeo cu a surpasa 1 miyon caso e siman aki, despues di a registra 20.000 infeccion nobo ariba dos dia consecutivo.
Italia, otro pais cu a wordo afecta severamente durante e primavera pasa, a establece un record diabierna pasa, cu 19.000 infeccion, locual ta duna miedo cu e pandemia atrobe ta bayendo for di control. Cu un 14-day incidence rate di 240 pa 100.000 habitante, e situacion ta “dramatico”.
Belgica, cu tawata tin e mayor cantidad di morto per-capita na Europa durante e primavera cu a pasa, su situacion ta for di control y cu un 14-day incidence rate di 1.115, e ta “mas peligroso cu ningun otro na Europa”, e minister di salud a bisa,.
Czech Republic, cu durante e prome ola tawata tin e cantidad di mas abou di contagio den e continente Europeo, awor ta aparece entre esunan cu incidence rate di mas halto, den e caso aki 1,210. Manera Belgica, ta parce cu nan ta bayendo den direccion di un otro lockdown.
Zweden, cu su popular ‘anti-lockdown strategy’, a introduci medidanan regional pa combati un subida drastico cu tuma lugar siman pasa, na unda nan por a constata cu e cantidad di contagio nobo a surpasa 1.000, compara cu 150 na comienso di september.
Finlandia, cu tawata tin e cifranan mas abou na Europa pa locual ta trata infeccion y morto durante e prome ola, ta un di e poco painsnan di Union Europeo cu ta bringando e di dos ola efectivamente. Cu medidanan estricto a logra reduci e subida di casonan nobo siman pasa, poniendo e pais su 14-day incidence rate na 52 pa 100.000 habitante.
Fuente: The Guardian