Home Police Accidente serio diabierna anochi ariba ex Sasakiweg, un persona a keda pega...

Accidente serio diabierna anochi ariba ex Sasakiweg, un persona a keda pega den auto

SHARE

Avenida Nelson O.Oduber  – Diabierna anochi den careda di 11:15 habitantenan pariba e ex Sasakiweg a scucha un zonido hopi duro. Algun persona mesora a pensa ariba un boksmento, y enberdad esaki tawata e caso.

 

Na e mesun momento 911 tambe a cuminsa haya informacion di un accidente serio ariba ex Sasakiweg.

Na yegada di polis nan ta topa cu un vehiculo cu tawata bayendo direccion nort, y dado momento e auto aki a perde control y kita bay na su banda drechi dal un palo di luz y despues bay termina den e matanan.

Tawata trata di un Nissan Teana color blanco cu dos ocupante. E pasahero tawata esun cu a keda pega y mester a  haci uso di Brandweer pa e libere.

E chauffeur si a logra sali prome.

Despues di algun rato Brandweer hunto cu e Paramediconan a saca e pasahero cu a wordo poni ariba stretcher, pa despues wordo hinca den Ambulance.

Durante cu Bomberonan y Paramediconan tawata purba pa saca e pasahero por a nota un dama y un cabayero a presenta y tawata basta emociona, posiblemente famia di esnan envolvi den e accidente.

Rotonde Sasaki a wordo cera pa asina trafico no pega debi na e accidente y tambe pa departamento di trafico por haci su trabou.

Tambe nos a compronde cu e mesun auto aki lo a mishi cu otro vehiculo ariba e caminda.