Durante e ultimo 24 ora a wordo registra 10.007 coronatest positivo. Esaki segun e cifranan mas reciente di RIVM. Esaki ta hopi mas cu ayera, cu a wordo registra 9283 test positivo. Den e hospitalnan e cantidad di cama cu ta wordo ocupa door di pacientenan di Covid ta sigui aumenta.
E subida drastico di e cantidad di resultado positivo ta un cambio den e tendencia cu a wordo observa na comienzo di siman, na unda diariamente tawata bin 100 pa 200 caso nobo. Awor e cantidad diario di test positivo a subi cu casi 2000 desde diamars.
E cantidad total di paciente di Covid ta 2073, 70 mas cu e dia anterior, asina Landelijk Coördinatiecentrum Patiënten Spreiding a anuncia. Di esakinan, 1601 ta pafo di intensive care, 61 mas cu ayera. Den intensive care tin 472 paciente mas cu e dia anterior. E aumento aki ta esun di mas abou den un siman di tempo, sinembargo ariba verpleegafdeling e cantidad ta sigui crece. Banda di esaki, tin 476 paciente den intensive care, cu no ta malo cu Covid.
Awe mas tempran e vocero di GGD a menciona un cantidad di 10.000 contagio pa dia como e limite ariba cual lo bira hopi dificil pa mantene un bon source and contact tracing.
Comienzo di luna 30.000 test tawata wordo haci diariamente, awor ta 50.000. Toch RIVM a bisa diamars, cu e porcentahe di test positivo ainda no ta bahando. Esaki ta demostra cu e virus ta sigui plama.
E cifranan ta mustra en todo caso, cu e prome pakete di medida di e gabinete, cu a wordo anuncia dia 28 di september, y entre otro tawata encera cierre di horeca desde 10 or di anochi y un peticion pa traha na cas, no a logra e meta desea. Tocante e efectividad di e lockdown parcial e cifranan ainda no ta bisa nada concreto. Ta spera cu desde diadomingo of dialuna lo cuminsa mira cambio den e cantidad di contagio, y e speranza ta cu esaki lo cuminsa baha.
Fuente: AD.nl
