Home Politics E IDEOLOGIA Y VISION DI PARTIDO CURPA

E IDEOLOGIA Y VISION DI PARTIDO CURPA

SHARE

E IDEOLOGIA Y VISION DI PARTIDO CURPA

 

Oranjestad – Na Aruba tin varios partido politico cu varios ideologia. Nos tin partido AVP cu ta yama su mes Cristian democrata, MEP cu ta Social democrata y mayoria di e otronan cu ta yama nan mes liberal y progresivo. Partido CURPA ta e unico partido cu tin como ideologia uno Conservativo. Partido CURPA ta un partido Cristian cu un ideologia conservativo na unda nos ta para fuerte pa un Mercado liber, libertad di e ser humano pa scohe su mes un destino, libertad di eherce nan mes un religion, un gobierno chikito cu menos posibel cu ta mete den bida di e cuidadano, estado di derecho, husticia na unda ta midi cu 1 midi, trias politico, un sistema di belasting simpel cu tarifanan no halto, oportunidad igual pa un y tur pa por desaroya y progresa conforme nan abilidad y talentonan y yuda y proteha esnan vulnerabel den comunidad.  

Nos vision pa Aruba ta pa un y tur, no obstante bo color politico, religion, rasa, sexo, edad, limitacion fisico, y situacion financiero, haya un oportunidad igual ariba tur nivel di bida pa progresa y aporta na e potencial di Aruba  conforme nan abilidad y talento.  

Solamente asina tur individuo y e pais por progresa y yega na su maximo potencial.

Ta nos tur ta forma hunto e curpa cu yama Aruba y si cada un miembro den e curpa haya e oportunidad igual pa hasi usa di su talentonan, esaki lo resulta den un Aruba fuerte y saludabel, cu por confronta cualkier reto, exitosamente, su dilanti. 

 

Scoge propio destino cu un partido conservativo !!!

 

Directiva C.U.R.P.A.