Maneho di deporte di minister Dangui Oduber ta dirigi ariba mehoracion di infrastructura di deporte, stimula participacion activo di comunidad na deporte, percura pa tin iluminacion y tambe articial turf na clubnan.
Awe SV Bubali Noord – Aruba a presenta nan avansenan di nan masterplan na minister Dangui Oduber. Den e ultimo lunanan hopi trabou a wordo haci pa e directiva di e organisacion. Asina nan a prepara henter un project dossier, bestektekeningen, presupuesto y tambe cuminsa prepara e area di e tereno.
Esaki ta un tremendo proyecto especialmente pa Noord y vecinadario. Minister Dangui Oduber ta apoya e proyecto aki totalmente y hunto cu sector priva lo bai yuda realiza esaki tambe.
E masterplan di Bubali ta ensera veld di futbol cu artificial turf, veld di softbal y tambe un mini veld di futbol cu turf. Banda di esaki nan lo instala poste di luz nobo y amplia nan clubhuis.
Como minister nos a percura pa nan ricibi un suma substancial pa kickoff e bunita proyecto aki. Nos ministerio lo bai aserca otro ministerionan pa pidi cooperacion y tambe sector priva pa busca e cooperacion pa un bunita proyecto pa Noord. Minister Oduber kier a gradici e directiva pa nan compromiso pa cu e proyecto aki.