Oranjestad, 16 di october 2020 – Aruba Bank ta sostene negoshi chikito atraves di plataforma “Open for business”. E programa aki ta pa promove conscientisacion den comunidad ariba e efecto cu e pandemia di Covid-19 a trece ariba negoshinan chikito y mediano.
E plataforma lo brinda e oportunidad na diferente comerciante di negoshi chikito y mediano pa comparti nan testimonio, ricibi guia di expertonan di diferente ramo y alabes e negoshi di e comerciantenan lo wordo promovi ariba television y atrabes di rednan social.
Teniendo na cuenta e situacion actual cu nos isla ta enfrenta e negoshinan chikito y mediano mester di e sosten local pa yuda crea conscientisacion den nos comunidad.
Aruba Bank lo sostene e programa durante di tres (3) luna, pa yuda sostene e guia y encurasha e audiencia pa adopta y adapta na cambionan necesario pa ta mihor prepara pa por restart nan negoshi una bez cu e tempo mehora.