Maria Maai – Diahuebs merdia pasa di 12’or informacion a drenta di un cas na candela na Maria Maai, mesora un unidad di Santa Cruz a bay e sitio.
https://www.facebook.com/arubanative/videos/355901132195368/?t=9
Na yegada polis ta confirma cu tin candela saliendo di e cas y pa mesora manda Brandweer.
Na yegada di Brandweer ya e candela a destrui e cas unda un cabayero di edad ta biba.
Tur cos a bay perdi. E meneer tawata sinta di su auto mirando con e la perde tur cos. Esaki tawata motibo suficiente pa pidi pa Slachtofferhulp na e sitio.
E candela a causa un buraco grandi den e dak, indicando cu e candela tawata feroz y a causa destruccion hopi lihe.
Visiblemente por a mira con e meneer di edad poco poco tawata bira malo di loke e tawata mira.
Ambulance a wordo pidi pa asina controla e cabayero.
BFTO tambe a presenta pa haci nan parti di investigacion.
