Home » Homber cu diferente biaha a tene relacion sexual cu mucha muher di 15 aña haya culpabel

Homber cu diferente biaha a tene relacion sexual cu mucha muher di 15 aña haya culpabel

by Admin
0 comment 42 views

ORANJESTAD – Awe mainta sentencia a cay pa e homber P., kende ta wordo haya culpable di tabata tene relacion sexual cu un mucha muher cu tabatin 15 aña. Aruba Native por a compronde cu e castigo cu Hues a condena P., ta hopi menos cu e castigo cu Fiscal a exigi. Esaki pasobra Hues no ta haya proba full e periodo cu Fiscal a acusa P. di dje.

   Tratamento di e caso tabata luna pasa caminda Fiscal ta acusa P. di a tene relacion sexual cu un mucha muher cu e tempo ey tabatin 15 aña. Fiscal a bisa cu e periodo ta entre 7 September 2017 y 6 September 2018.

   Durante tratamento di e caso, P. a bisa cu ta na 2018, durante temporada di Carnaval, el a conoce y a tene relacion cu e mucha muher. Segun P., e mucha lo tabatin 16 aña.  Hues a mustra cu durante interogacion di Polis, e mucha muher a bisa cu e tabatin 15 aña y cu el a bisa P. esey. A sali na cla cu e mucha tabata sali scondi for di cas anochi y P. tabata pasa buske y bay na cas di P. E mama di e mucha muher a declara esey na Polis. Tambe e amiga di e mucha a bisa cu e mucha muher a cont’e di e relacion.

Fiscal a bisa cu e ta haya legalmente proba cu P. a tene relacion sexual diferente biaha cu un mucha muher di 15 aña. Fiscal ta haya cu tin prueba di sosten. El a mustra riba declaracion di e amiga di e mucha muher, kende a declara cu e mucha muher a cont’e di a tene relacion sexual cu e sospechoso P. Ademas mama di e mucha a bisa cu e mucha muher ta sali anochi for di cas scondi y cu P. ta pasa busk’e. Fiscal a exigi 3 aña di prison di cual 1 aña ta condicional cu un tempo di prueba di 2 aña.

Hues awe mainta a bisa cu e no ta haya proba e periodo cu ta acusa P. di dje esta 7 September 2017 y 6 September 2018. Hues ta haya legalmente proba cu P. durante April 2018 y 6 September 2018 a tene diferente biaha relacion sexual cu e mucha muher, kende e tempo ey tabatin 15 aña mientras cu P. tabatin 28 aña.

   Pa cu e castigo, Hues a bisa cu e ta tene cuenta cu e pareha ainda tin relacion cu otro. Hues a tene cuenta cu ta promer biaha cu P. ta cay den man di husticia. Tambe Hues a tene cuenta cu e periodo pa cual ta acusa P., a bira menos.

Hues a condena P. na 365 dia di prison di cual 255 dia ta condicional cu un tempo di prueba di 2 aña.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio