Amsterdam, Hulanda: Relaciona cu un investigacion cu tabata andando, dia 23 di april ultimo Husticia na Hulanda a dicidi di cuminsa cu un otro investigacion riba bankeronan clandestino.
Segun un informacion ricibi dia 23 di april ultimo, relaciona cu e investigacion andando, riba bankeronan clandestino, husticia a wordo poni na altura cu un bankero clandestino lo traspasa un montante grandi di placa na un localidad den centro di Amsterdam. Durante e traspaso aki lo tin un Taxi preto (un Volkswagen Passaat) envolvi.
E team di observacion di polis cu tabata riba e caso aki, a sigui e traspaso di placa di hopi cerca y a nota con un shopping bag geel grandi a wordo saca for di e bahul di un Mercedes Benz y traspasa den e taxi preto. Den ambos auto tabata tin un ocupante. E team di Polis mesora a duna e taxi ordo pa para.
Den e bahul di e taxi a wordo haya tres tas, un shopping bag geel grandi, un rugtas preto y un gymbag preto. Den e tasnan aki tabata yen di placa di papel, tur tabata na bulto y geseal. Den e gymbag durante e investigacion a bin topa cu 4 pakete geseal di biyete y un saco di plastic cu placa. Mayoria tabata den biyetenan di Euro di 5, 10, 20 y 50. Tambe un cantidad di biyete di 100 y 200 euro y tambe te hasta algun biyete di 500 Euro. En total den e gym bag tabata tin mas cu 400 mil Euro na placa cash.
Den e shopping bag geel grandi, tabata tin 3 pakete di placa geseal. Mayoria tabata biyetenan mas chikito, tambe nan a haya 274 biyete di 100 Euro y 50 biyete di 200 Euro. Un total di riba 300 mil Euro. Den e rugtas preto tabata tin dos pakete di placa seya y algun stappel los di biyete di 20 Euro y 50 euro. E balor total di placa cu tabata tin den e rugtas tabata riba 260 mil Euro.
Un total di placa cu a keda confisca for di e tres tasnan aki tabata di casi un miyon Euro (999.985). Tambe nan a confisca e cellular nan PGP cu ambos persona tabata tin den nan poder .
A base di e investigacionnan haci, Ministerio Publico a conclui cu e 1 miyon Euro aki ta procedente for di e baho mundo criminal.
Segun Ministerio Publico ta trata di labamento di placa intencionalmente y ta pidi un castigo di prison di 3 anja y dos luna pa e sospechoso. Pronto corte lo duna sentencia.
