Rooi Bosal – Diamars anochi pasa di 9’or polis a wordo informa di un accidente unda tin multiple vehiculo envolvi.
E accidente a sosode ariba e brug panort di e crusada di Mondi Fierno.
Na yegada di polis banda di pazuid tawata tin un Hyundai Van H1, despues ariba un distancia mas panort un Nissan March. Na ultimo mas pnort dos auto cu basta daño matera, tawata trata di un Nissa Tiida y un Toyota Tercel. Y por ultimo tawata tin un auto Honda cu su hazard light cendi, pero no sa kiko ta su parti den e accidente aki.
Varios ambulance a presenta na e sitio, mientras otro patruyanan a cera ambos banda di e caminda, debi cu e autonan tawata ariba caminda y leu di otro.
Loke nos a compronde tawata cu e un di e autonan sea e Nissan Tiida o Toyota Yaris ta esun cu a ocasiona e accidente aki, debi na velocidad halto.
No por bisa si e Nissan Tiida y e Toyota Yaris tawata pustando.
Polisnan di trafico mester a tuma dato di tur persona envolvi.
Na e sitio mes algun di esnan envolvi den e accidente a wordo controla door di Paramediconan y un persona so mester a wordo hiba hospital pa mas tratamento.
