Cumana: Dialuna den oranan di marduga, un persona a nota cu tin dos homber hortando den e containernan cu ta keda patras di un compleho di apartamento, mesora nan E la avisa polis.
Na yegada polis a nota cu un di e sospechosonan a core drenta den e compleho di apartamento. E polisnan a sigui su tras y a logra gar’e. Nan a bin compronde cu e sospechosonan aki lo ta biba den un di e apartamentonan y a sali bay horta den e containernan patras di e compleho di apartamentonan caminda nan ta bibando.
Polis a logra pone man riba un di e dos sospechosonan, e otro lo a bay sconde. Tambe na momento cu polis a bay den e apartamento unda e hombernan ta bibando nan a bin topa cu mas cos horta. Polis a confisca tur locual tabata horta pa asina haci mas investigacion.
Algun habitante di e compleho di apartamento aki a sali pafo y a topa cu e situacion fastioso aki. Nan a conta polis cu nan ta cansa di e personanan aki, nan comportacion ta laga hopi di desea y nan kier pa e dos sospechosonan aki bandona e compleho di apartamento tambe, pa motibo cu constantemente tin problema y nan a cansa di esaki.
