Sabana Grandi – Diadomingo anochi pa mas o menos 9:30 patruya di Santa Cruz a bay e crusada di Sabana Grandi cu ta conecta cu Jucuri, unda tawata tin un accidente cu hende herida.
Na yegada di polis a pidi pa un ambulance, debi cu un dama a herida su mes durante e boksmento.
Na e sitio polis a topa cu un Hyundai Accent color cora y un Toyota pick up.
Por a mira cu e Accent tawata tin daño material na e porta patras banda robes.
Na e sitio nos a compronde cu e Toyota pick up tawata ariba su caminda di preferencia y yegando e crusada e Hyundai Accent a subi caminda y asina e pick up a dal contra e porta patras banda robes.
Ambulance cu a presenta na e sitio a atende cu e dama chauffeur y no a haya necesario pa e bay Hospital.
Polis di trafico tambe a presenta na e boksmento.
