Home Police Chauffeur burachi a baha caminda y ranca steunpaal completamente

Chauffeur burachi a baha caminda y ranca steunpaal completamente

SHARE

Bubali – Diadomingo anochi den careda di 9’or polis a bay altura di un supermercado situa na Bubali. Ariba e caminda eynan cu ta bay pariba un auto a ranca un steunpaal di Elmar. 

Na yegada polis a topa cu un auto Hyundai y por a mira cu aunda e steunpaal ta bou di e auto, despues cu e la ranca esaki.

E chauffeur tawata hopi burachi y casi no por a para ariba su pianan.

Loke a sosode tawata cu e chauffeur bayendo direccion pariba a baha caminda na su man drechi y ranca un steunpaal completamente.

Agentenan a pidi transportwagen y tambe trafico, mas despues a pidi pa Elmar tambe.

Na yegada di transportwagen a hiba e chauffeur aki cu por a causa un accidente hopi serio of baha caminda dal un peaton cu auto.

Cuerpo policial diariamente ta hayanan cu chauffeurnan manehando auto bou influencia.