Home Police Accident cu tres persona herida y hopi daño material dilanti Wu Di...

Accident cu tres persona herida y hopi daño material dilanti Wu Di supermarket na Tarabana

SHARE

Tarabana: Diasabra den oranan di atardi, presencia di polis y ambulance a wordo pidi cu urgencia un poco pabou di rotonde Dadelstraat pa un accidente cu hende herida. 

Na yegada nan a bin compronde cu un dama manehando e Toyota Vitz preto, cu tabata para dilanti di Wu di Supermarket a reverse te subi caminda, sin pone tino cu di pariba tabata biniendo un Toyota Corolla berde. E Toyota Corolla berde a dal e Vitz den banda, e impacto tabata hopi fuerte cu e la bira ambos auto cara pazuid. Door di e impacto dos persona adulto y un mucha den e Toyota Corolla a keda herida.

Despues cu personal di ambulance a trata e victimanan na e sitio a transportanan pa hospital.