ORANJESTAD- Departamento di Labor y Investigacion (DAO) ta informa cu en conexion cu algun caso positivo pa COVID19 den DAO y consecuentemente varios empleado cu ta den quarentena obligatorio y preventivo, nos a opta pa sigi brinda servicio mas hopi posibel den forma digital pa e 2 simannan venidero pa asina por salvaguardia e salud y seguridad di nos empleadonan y nos clientenan.
E decision aki a ser tuma pa preveni mas contagio bao di e personal di DAO y tambe di e departamento cu nos ta comparti e edificio cune.
Nos a traha duro pa bin cu solucionnan temporario pa nos servicio por sigi durante e periodo aki, mas ainda conociendo e situacion actual riba nos mercado laboral.
Entrante dialuna 21 di september 2020 DAO lo sigi brinda servicio di e siguiente forma.
Entrega di personeelsregisters ta sigi conforme procedura normal via
[email protected].
Tur arbeidslijst mester wordo manda digital riba [email protected] hunto cu documentonan relevante. Reaccion riba esaki lo wordo manda den forma digital bek.\
Pa informacion riba uitzendvergunning por manda email via [email protected]
Pa preguntanan juridico, afspraak pa werkboek y tur otro pregunta, por manda un email riba [email protected].
Departamento di Conflicto y Retiro lo ta accesibel pa informacion of intermediacion via [email protected].
Entrante diamars 22 di september 2020 por tuma contacto tambe cu Departamento di Conflicto y Retiro riba e siguiente numbernan di celular cu a wordo poni disponibel pa e siguiente 2 simannan:
5938024 – 5937544 – 5938316 – 5938549 – 5936934
E orario cu ta brinda e servicio telefonico pa conflicto lo ta di 8:00 pa 12:00 p.m. y di 1:00 pa 4:00 p.m.
Nos ta pidi disculpa pa cualquier inconvenencia cu esaki por trece cune pero ta medidanan necesario pa prevencion y proteccion di nos personal y tambe di nos clientenan.