Home Police Polis a detene homber cu tabata drumi banda di caminda y lo...

Polis a detene homber cu tabata drumi banda di caminda y lo a falta polis respet

SHARE

Avenida Nelson O. Oduber: Diasabra algo prome cu 9’or y mey di anochi, a drenta un informacion cu tin un persona drumi canto di caminda riba Avenida Nelson O. Oduber .

Mesora a manda un patruya na e sitio pa atende cu e persona aki, na yegada polis a bay atende cu e homber, pero esaki na su turno a cuminsa bira fresco cu polis. E homber tabata keda burla di polis.

Polis a dicidi di detene e homber aki. Nan a cuminsa piki su cosnan  y mientras nan tabata ristando, nan a bin topa poco marihuana den su poder. Tambe e tabata tin un tas di guitara y un headphone. Polis a detene y a pidi pa un transportwagen di polis.

E homber a wordo hiba den transportwagen pa warda di Shaba.