Home Police Bon samaritano a actua mesora, evitando cu Nissan March a kima completamente

Bon samaritano a actua mesora, evitando cu Nissan March a kima completamente

SHARE

Eagle – Diamars anochi pa mas o menos 8’or polis a bay pura na un entrada di Eagle beach unda lo tin un auto na candela.

Algun persona canando eybanda a mira cu tin candela saliendo, esaki tawata bou di hood di e auto.

Na yegada di patruya nan a wordo avisa door di e personanan kiko a sosode.

Momento cu nan a mira candela bou di e hood y cu no tawata tin hende cerca nan a actua, y tawata door di kibra glas di auto y basha awa ariba e candela.

Despues di algun rato e doño a yega y tawata basta spanta door di mira polis y mas hende na su auto.

E momento ey polisnan a splike kiko a sosode y cu ta e personanan a actua mesora pa asina e auto no kima completamente.