Oranjestad – Diabierna anochi radar di Aruba a capta movecion ariba lama, esta un boto biniendo for di Venezuela direccion Aruba.
Mesora e Rescue and Coordination Center di Kustwacht y steunpunt di Aruba a tuma accion.
Den algun minuut a sali un Metalshark, abordo tawata tin un Team di Kustwacht y Militarnan Arubiano cu a dirigi nan mes pa e area indica.
Nan a bin topa cu un boto den mal estado di dos motor.
Den e boto nan a haya 14 persona cu tawata tin e plan di drenta Aruba na un manera no legal.
Autoridad a haya y a confisca un gai pelea, 19 Papegaai y un paki cu varios ampul muy probablemente di steroids.
Tur e personanan a wordo pasa pa Guarda nos Costa y tambe Cuerpo Policial di Aruba.
Pa loke ta e animalnan un Veterinario a wordo avisa y a bay cu nan.
Segun Kustwacht asina por mira cu constantemente e personanan aki ta subi lama por bisa den cualkier boto, den mal estado of no y trata na drenta e islanan ABC.
Ya ta hopi Venezolano cu a bay laga nan pais buscando un miho biba, debi na e situacion Socio Económico horibel cu e país ta pasando aden.
