Home Politics Mervin Wyatt-Ras (AVP): Den Parlamento no ta haya suficiente informacion riba Covid-19

Mervin Wyatt-Ras (AVP): Den Parlamento no ta haya suficiente informacion riba Covid-19

SHARE

 

 

Diahuebs anochi a tuma luga un Brainstorm Sessie pa loke ta trata Covid-19 organisa door di partido AVP. Parlamentario Mervin Wyatt-Ras ta forma parti di e team organisado di e sesion cu a tuma luga den Renaissance Convention Center.

E ta splica cu Covid-19 a bati na porta di Aruba na di e aña aki y aworaki, desde cu a habri fronteranan bek dia 10 di juli cu a pasa, a bin un otro ola hopi grandi di caso. Esey tin tur hende hopi preocupa. E tin pueblo preocupa.

Mike Eman, lider di AVP a bin cu e idea pa organisa un brianstorm session cu diferente stakeholder, pa asina scucha di nan kico nan ta pensa, con nan ta experiencia esaki, kico ta e parti medico di dje y con ta deal cun’e, nos como pais. 

A busca contacto cu diferente profesional, manera e Outbreak Team di Hospital cu a bin cu nan informacion, Telefon pa Hubentud, Respaldo (e parti di psikiatria), cu a bin duna informacion. Tambe dokternan specialista tabata presente. 

Tin hopi mas pa menciona, segun Wyatt-Ras. Nan tur a duna nan aporte caminda cu por haci pregunta. Esaki ta prepara pa por confronta e malesa aki.

Wyatt-Ras ta haya como parlamentario, no ta haya suficiente informacion. Na varios ocasion, varios di nan como miembro di fraccion di AVP. ta haci pregunta, pero no ta haya contesta for di minister di salud.

Awo a haya den un nutshell, for di 5or di atardi pa 9’or di anochi, diferente informacion, cual mester haya den Parlamento. Ta gradici e profesionalnan pa a bin dilanti. Hopi biaha como oposicion no ta haya hendenan profesional cu kier papia. Ta haya cu nan a wak nan trabao na serio. Nan a bin duna e informacion y aworaki por prepara nan mes suficiente pa por sigui cuestiona, duna opinion y stimula e maneho.

Tin hopi mas cos cu tin cu cambia. Tin un brote cu ningun hende no sa dicon, no tin cifra, no tin dato. Tur esaki ta importante pa por “trace” e personanan cu ta contagia y cu por protege e personanan tambe.

E Parlamentario ta sinti awo cu nan ta suficiente prepara y esnan cu a participa tambe. Ta spera cu nan ta uni den e proceso cu por anda cu e malesa, combati’e y yuda nos hendenan, cu no solamente riba parti medico pero tambe riba e parti psicosocial, yuda nos hendenan bay cu ne.

E consecuencianan no ta solamente financiero-economico, pero tambe social-psicologico. “Nos tur mester ta uni den esaki, pa asina por brinda miho acogida y servicio na esnan cu ta contagia y esnan cu ta victima tambe di esaki.

Tin personanan tambe cu ta fayece y esey den tur pais ta sosode. Pero ta di spera cu na Aruba no pasa esey, manera otro paisnan. Pero en todo caso logra sigui Flatten the Curve y asina anda cu e malesa aki.