Balashi – Diamars mainta Gerente di Drive In Theater a tene un press conference ariba e tereno di Drive In.
Eynan Sr.De Veer a duna un poco splicacion di tur loke a wordo haci.
Diaranson awor o sea mañan lo tin un concierto manteniendo Social Distancing. Esaki lo wordo presenta door di e artista local Jeon.
E ganashi lo bay pa dos fundacion.
Entrada ta unicamente pa autonan cu plachi number A y maximo 5 persona pa auto.
E tereno ta carga 350 auto, pues bo mester ta hopi trempan si bo kier haya un luga mañan pa mira e concierto den aire liber. Ariba 95.7 F.M por haya e audio.
No ta permiti trece bo mes un bebida ya cu Drive In tin tur cos y segun a wordo bisa lo tin control ariba esaki.
Diaranson e driver/chauffeur lo haya un badge/carnet cu e ta esun cu lo no consumi bebida alcoholico, pero si lo haya otro drinks gratis manera awa of refresco.
A puntra Sr.De Veer si e cura lo keda asina pues abou e la contesta cu si.
