Oranjestad, Aruba 17 di juli 2020: Durante un temporada durante cual e importancia y balor crucial pa locual ta salubirdad publico a bira mas evidente, minister Dangui Oduber ta anuncia inicio di e proceso di creacion di un cuadra strategico national di salubirdad publico. E cuadra strategico lo enfoca riba e estado di salubirad publico na Aruba durante y despues di e pandemia di COVID-19, como tambe e impacto di e pandemia aki riba nos salubridad publico.
Cu hopi satisfaccion por anuncia cu e cuadra strategico nacional lo wordo crea bou di guia di Pan American Health Organization (PAHO) den colaboracion cu Departamento di Salud (DVG).
E proceso pa crea un cuadra strategico nacional ta encera; evaluacion di e situacion di salubridad publico actual, un encuesta, entrevista profundo cu partner y actor cardinal di e sector y posibel aplicacion di methodo di SWOT.
E obhetivo principal di e cuadra strategico nacional ta pa sigui crea alineamento den sector di salubirdad publico na unda cu ta trata e diferente priodidanan, tambe un analysis di esakinan.
Adicionalmente por indica cu e cuadro strategico nacional di salubridad publico lo ta un proceso pragmatico cu lo wordo evalua continuamente den transcurso di tempo. E meta principal ta pa na final tin un cuadra strategico nacional colectivo cu lo por conduci na un plan di accion actualisa.
Ta esencial tambe pa indica cu e cuadro nacional lo tene cuenta cu diferente plan y maneho existente pa asina crea continuacion den e procesonan, evalua esakinan, como tambe reforsa e exitonan. Por indica cu e pandemia di COVID-19 tabata un momento durante cual e importancia di nos salubridad publico, maneho eficiente di esaki, como tambe e trabou incansabel di e profesionalnan den e sector aki a keda confirma.
Minister Dangui Oduber ta caba bisando: den transcurso di e lunanan nos dilanti ministerio lo duna mas informacion tocante e tema cardininal aki, cu ta nos salud publico, pa nos pais. Di e forma aki minister Oduber ta demostra un vision y approach diferente pa cu salud publico cu e meta final pa tin un mihor cuido den su totalidad na Aruba.