Awe riba diabierna 10 di juli cu Aruba a habri su frontera cu Merca manera palabra, a keda institui tambe un task force pa controla regularmente localidadnan cu tin actividad social. Esaki pa sigui consientisa nos comunidad riba e epidemia di covid-19.
Debi na e epidemia di covid-19 e aña aki e team encarga cu maneho di e crisis di covid-19 no a duna ningun verguning pa por organisa evento social, pafo di e verguning cu un localidad tin caba. Esaki pa evita aglomeracion di hende.
Awe riba e prome dia cu Aruba ta habri su frontera cu Merca, ta di gran importancia pa localidadnan y comunidad cuminsa mantene nan mes na e reglanan stipula.
E reglanan no tey pornada pero pa preveni cu e virus di covid-19 lo por plama riba Aruba.
E task force cu ta sali controla e diferente localidadnan rond Aruba ta consisti di KPA, Brandweer, DVG, DOW y nan lo ta controlando entre otro verguning, aglomeracion, distancia di 1.5 meter y mas.
Un suplica ta bay un bes mas comunidad pa sigui aplica disiplina y mantene e reglanan di prevencion pa salud di cada uno y di Aruba completo.
