De La Sallestraat – Diabierna anochi yegando 11’or autoridad a cuminsa controla establecimentonan ariba nan sluitingstijd o sea e ora stipula pa cera, cu actualmente ta 11’or di anochi.
Ariba caya tawata tin un cantidad grandi di polis, haciendo nan maximo esfuerso pa “hala” atencion unda cu mira hopi hende ariba otro.
Diabierna juli 10 frontera a habri bek. A institui un Task Force consistiendo di diferente departamento, pa haci controlnan ariba aglomeracion di hende.
Tambe pa keda concientisa ciudadanonan ariba e distanciamento fisico, cu ta di 1.5 meter pa 2 meter.
Autoridad diabierna anochi mescos cu e otro weekendnan desde cu a kita TDQ(avondklok) tin e tarea pa obeserva cu tur luga cera 11’or.
Mayoria luga ta cumpli.
The Ballroom, De La Sallestraat
Durante cu e controlnan tawata tumando luga, autoridad pasando den De La Sallestraat a capta un cantidad grandi di auto staciona.
Mesora a nota cu na e sala cu ta huur pa fiesta yama Ballroom tin un fiesta grandi andando.
Den careda di mey anochi, polis a yega na e luga y nan wordo bisa cu ta Task Force mes a dunanan permiso pa keda habri te cu 1’or. Aki e unidad policial no por a haci nada otro cu sigui nan caminda
Esaki kibrando e ley viginte di e sluitingstijd, sin conta yen hende ariba otro.
Loke a hala atencion ta cu esnan cu a organisa e fiesta lo a haya un supuesto permiso duna aparentemente door di Task Force mes. Esta cu nan tawata permiti pa keda habri te cu 1’or di marduga.
Pa mas o menos 12:30 Comisario Interino Sra.Tjon Kock a presenta na e luga hunto cu mas polis. Aki despues di un splicacion extenso di ambos banda, por a mira cu esnan paden a cuminsa sali pa bay nan cas.
Posiblemente aki lo trata di un mal entendimento hopi grandi.
