Tin desaroyonan hopi dudoso den henter e plan di gobierno relaciona cu testnan cu mester wordo haci na aeropuerto pa turistanan y tambe e seguro cu tur bishitante lo tin cu bay paga durante di nan estadia na Aruba, asina cu habri frontera pa turistanan bin di bishita.
Parlamentario Marlon Sneek no solamente ta cuestiona e publicacion di e website BoInformado riba intento di soborna dos Minister di gabinete Wever Croes pero tambe riba e desaroyonan relaciona cu introducciond di s seguro cu nan tin cu paga ora cu nan bin Aruba.
“Minister Dangui Oduber den su prome reacciona riba e informacion aki cu nos a trece diamars siman pasa, ta cu mi persona tin cu bay pidi disculpa ya cu lo mi a insulta companianan di seguro.
Loke nos a haci y loke nos a bisa ta cu manera tin konkelmento y manera e minister mes a declara na e website cu tabatin hende cu kier a soborn’e, pa wak cu no tin soborno den e parti di seguro.
Segun Minister Oduber, mester pidi disculpa na seguronan ya cu ta hendenan serio tin den e asunto aki pero den mesun articulo cu Minister mes a pueblica, por lesa cu Minister a apeunta Boogard Asurantien como e ‘broker.’
Awor ta di punta Minister, tabatin un ‘openbare aanbesteding’? Kico tabata e rekisitonan pa bo pot ta un broker? Pakico bo an scoge e broker specifico aki? E broker aki cuanto e ta bay gana? 15 of 20 porciento di cada polisa? Djis drumi na cas Minister y tur hende sa di e relacion entre e broker ey y gobierno y cu e ministernan aki.
Aki atrobe Minister ta duna nos e indicacion cu tin cos raro den e seguro tambe, den su palabracion cu e mes a trece.
Aki nos ta papiando di un seguro cu tur hende tin cu cumpra ora nan bin Aruba y nos sa cu nos turismo ta drai na aeropuerto riba un miyon turista, na waf riba 800 mil turista y nos por bisa cu hunto ta casi dos miyon turista.
Conta esaki un rato pueblo, dos miyon turista na $15 pa dia, ta cuanto miyon nos ta papia di dje?
Cont’e y aki un broker ‘handpick’ pa Minister y tur hende mester kere cu e cos aki ta corecto Minister? Of lo mester tabatin un destaho publico pa tur hende por participa y tur hende haya oportunidad igual pa participa den e destaheo aki.
Pa colmo pa nos sorpresa nos a haya den nos box un documento di Paradise Paper, riba seguronan cu lo ta envolvi den Paradise Paper, pues Minister tin cu duna claridad.
Tin dicho cu ta bisa cu ‘ora bo grawata, bo ta haya cos di hole’ y awor nos ta bay investiga riba e grupo aki cu ta esun cu a haya e parti di seguro y kico tabata na envolvimento den e Paradise Paper.
Pues aki atrobe, un Minister den momento di crisis, na luga di yuda pueblo, ta bira hinca pueblo den mas situacionnan dificil y pa nos di AVP esaki no ta aceptabel Minister.
E ta imposibel cu bo ta bira haci Aruba mas caro, c’un seguro obligatorio pa tur hende pa dia, anto bo ta bira fix un broker sin haci destaho publico, anto por mira cu tin seguro den Paradise Paper, esta cosnan straño!
Esaki ta e gobierno cu Aruba tin, un gobierno cu ta bezig ta fix cos pa su mes, anto pueblo tin cu sufri y esaki simplemente no ta aceptabel Minister.
Ya AVP a bisa Minister caba cu bo a bisa cu lo tin un comerciante cu kier a cumprabo, bo tin cu entrega un denuncia y nos a manda pregunta na bo persona y nos ta spera bo contesta e preguntanan aki.
Ta inaceptabel cu den e tempo di crisis di covid aki, ainda gobierno ta sigui wak con e por yena saco di dje y su compinchinan, di friends & family, caminda esey ta prevalece riba interes y bienestar di pueblo tur dia y esey simplemente no por,” lider di fraccion di AVP, Marlon Sneek a declara.