Home Police Meneer di edad a bira malo tras di stuur y a accidenta

Meneer di edad a bira malo tras di stuur y a accidenta

SHARE

Pavia: Dialuna atardi algo prome cu 4’or a sosode un accident riba e caminda di Pavia. Un meneer di edad cu tabata duna rijles, lo a bira malo tras di stuur y a bay dal contra dos cura di cas.

Na yegada un homber cu tabata trahando pafo di un cas y tabata testigo di e accidente aki, a splica cu e la mira e Mitsubishi Lancer berde baha caminda un poco mas pabou y a bolbe subi caminda, despues a baha caminda na su man robes y a bay dal basta duro contra un di cas, e la subi caminda, a baha bek pero e otro banda di caminda y a bay dal hopi duro contra un pilar di un cura di cas.

E impacto tabata basta fuerte, e chauffeur ta e conoci Toeng cu tabata duna rijles den su auto “Klein maar dapper”. Algun aña pasa e la cansa di warda riba su turno na e gasolin  station na Sero Blanco y a bula for di halto cay riba caminda cu su auto. Tambe un biaha durante cu e tabata tras di stuur di su auto, e la sali cay for di e auto.

Ban wak si awo si Toeng lo stop di core auto of lo sigui.

Polis di trafico tambe a presenta na e sitio. Personal di ambulance a atende cu e cabayero na e sitio y despues a transport’e pa hospital.