130
L.G.Smith Boulevard – Diabierna anochi pa mas o menos 10’or strand politie a wordo manda altura di Fisherman’s Hut, unda cu lo tin un fiesta andando compaña pa aglomeracion di hende. A bay asina leu cu te hasta a papia hendenan canando sunu, pero na yegada no a ripara nada.
Na yegada di polis nan a topa e mesun un grupo di hobennan cu algun rato prome tawata na Arashi. Na Arashi nan lo tawata cla pa “throw a party”, pero polisnan a splicanan cu esaki no ta posibel.
Pero, na luga cu e hobennan aki bay nan cas nan a scohe pa bay mas pazuid esta na Fisherman’s Hut. Kizas nan lo a pensa cu na Arashi no ta permiti pero mas pazuid si.
Polis a splicanan un ke otro y e biaha ey si nan mester a busca caminda di cas. Por ultimo polis a advertinan ariba e consecuencianan si nan mester bolbe.
