Oranjestad – Diadomingo merdia den careda di 2’or dos Ambulance a sali direccion Papilon 122L unda un mucha muhe (2) a guli hopi awa y e no tawata reacciona mas. Esaki lo a sosede den un pool inflatable segun nos a compronde.
Paramediconan mesora na yegada a constata cu e mucha ya lo tin algun minuut cu e no tawata reaciona mas y sali cu maximo urgencia direccion Hospital.
Na yega di e dos Ambulancenan Paramediconan tawata dunando e mucha respiracion artificial, esaki ta un fuerte indicacion cu e situacion ta critico.
Lamentablemente tur esaki tawata envano debi cu e mucha muhe no a sobrevivi.
Un sla duro pa e mayornan na Spoed Eisende Hulp.
Posiblemente demasiado minuut a transcuri prome cu nan a traha cu ne y dune prome auxillio.
Cuerpo Policial Aruba su relato oficial di e caso:Â
Diadomingo atardi pa 2:02 central di polis ta wordo notifica door alarm central cu un mucha lo a haya problema den pool na un cas na Papilon na Sta Cruz. Di biaha ta despacha un patruya na e cas. Na yegada di patruya ta encontra cu personal di ambulance na unda cu a informa cu nan ta bay cu e mucha muhe di dos aña di edad cu urgencia pa hospital.
Na yegada ta haci lo posibel pa salba e baby pero lamentablemente pa 2:44 dr Rafael-Croes ta constanta morto di e criatura C.A.Z.S. naci na Aruba 15 februari 2018 ( 2 aña di edad). Cuerpo policial ta manda palabra di condolencia y forsa na mayornan y famia di e criatura.
