115
Papilon – Diadomingo merdia den careda di 2’or 911 y despues polis ta a wordo avisa di un caso na Papilon 122L unda un criatura di mas o menos 2 aña lo a guli hopi awa.
No ta conoci directamente con esaki lo a pasa, si ta den un pool of algo otro.
Na yegada di polis ya Ambulance a bandona e sitio cu e criatura direccion Hospital. Polis mientrastanto a yega e cas pa tuma dato.
Dos Ambulance a yega cu urgencia Hospital y cu e mama di e criatura.
Na Hospital Paramediconan tawata dunando e mucha respiracion artificial y rush bay paden cu ne. Esaki ta un indicacion cu e mucha su situacion ta hopi serio y cu teme pa su bida.