Eagle Beach – Diasabra mey anochi esnan ariba caya y cerca di Eagle Beach por a mira un grupo hopi grandi di hende, para ta bebe y toca musica.
Trafico te hasta a pega, di tanto auto cu tawata drenta e caminda parti paden.
Un grupo di polis a yega y na un manera ordena y coordina a bisa tur hende presente pa bay di e sitio.
E multitud na un bon manera a sigui ordo di polis y poco poco tur hende tawata bay.
Ora cu tur auto a bay di e luga a ripara cu a keda 1 auto Chevrolet color blanco atras. A lusa rond y poco mas pabou bou di un palapa nan a mira un pareha.
E pareha tawata tin un speaker grandi cu waya largo contecta na e auto. Tambe nan tawata tin algun boter di alcohol.
Polisnan a papia cu ambos, bisandonan cu nan tambe mester di eynan.
Berdad e cabayero bou influencia a cuminsa piki tur cos hiba na auto.
Mientrastanto e ta keda bisa e agentenan un monton di cos, e no tawata usa palabranan malo. Unicamente cu e tawata bin cu diferencianan di opinion cada biaha.
Mirando cu e ta bou influencia polisnan a bise cu e dama mester stuur y su persona lo tin di sinta na banda. Berdad e dama a subi na stuur y e cabayero a subi na banda.
Polisnan a keda un rato ta papia y basta minuut a pasa y e auto no a move.
Bou wowo di tur hende na e sitio y con e la logra haci’e no ta conoci, e cabayero tawata na stuur cla pa subi caminda burachi.
Di biaha polisnan a bay na e auto y a bisa cu e no ta permiti pa stuur, y e momento ey polisnan a bahe for di e auto y ta bay over na detene. Nan a bisti’e su mondkapje y a pone den boei wardando Transportwagen.
Pa loke ta e dama posiblemente e lo no sa stuur y a baha cana bay nort y subi un otro auto bay, lagando su pareha sinta abou den boei cu su mondkapje bisti.
Transportwagen a yega y a hibe warda di Shaba, unda e lo a permanece den cel te ora su haltura pasa.
