Pos Abou – Diabierna anochi polis a wordo informa di un pick up color preto dobel cabina coriendo basta malo, y cu e lo a dal un auto tambe.
Mesora polis a bay unda nan a bisa e auto lo tawata bayendo. A papia di rotonde di Ponton bay abou y despues e lo a bay nort direccion Pos Abou na rotonde di Bushiri.
Yegando Pos Abou polisnan a logra stop e. E chauffeur a splica cu e otro auto cu e lo a touch ta di dje tambe.
Aparentemente un familiar/pareha lo tawata keda core su tras.
Anto debi na esaki e lo manda/hala e pick up contra e otro auto y aki lo a surgi e problema. Pues su familiar/pareha mes aparentemente lo a avisa polis.
Mirando cu e pick up tawata tin un sla parti dilanti a pidi presencia di Polis di Trafico. Na yegada di e agente e lo a controla un ke otro y despues debi di algun iregularidad a kita yabi di e chauffeur.
Pues nan a keda na pia y lo mester a mira con nan ta yega nan destino.
