Caya Frere Johannes – Diaranson den oranan trempan di mainta, nos ta papiando di entre 5’or cu 6’or autoridad a drenta un cas.
Esaki segun informacionnan haya tin di haber cu supuestamente labamento di placa y tambe fraude.
Un team grandi consistiendo di FIOD/AFPAK TEAM y varios otro departamento a drenta un adres dj Caya Frere Johannes y ta detene 3 persona entre nan un dama.
Segun informacion a confisca un auto, placa y aparentemente droga/arma.
Pues por mira cu lo ta trata di un caso di posibel labamento di placa procedente di crimen organisa y/of tambe ontduiking di belasting.
E ta un area basta amplio, unda cu nan esta FIOD/AFPAK TEAM ta basa nan mes.
Den FIOD tin un otro team cu traha hunto cu nan cu ta Team Criminele Inlichtingen (TCI).
Manera den mayoria caso, e teamnan aki ta traha cu Informantenan, esaki nan ta hendenan cu no kier pa nan sali den publicidad.
Pero den hopi caso nan tin informacionnan valioso. Y nan ta pasa esakinan door pa FIOD of TCI y/of otro departamentonan di Husticia.
Pues den e caso aki muy probablemente ta e mesun cos a pasa, esta cu via tipnan y investigacionnan FIOD/AFPAK TEAM a drenta e adres aki efectuando varios detencion y confiscando varios cos di interes pa e investigacion.
