Sero Janchi – Siman pasa diaranson Sra. Kiki cu ta un persona conoci den nos comunidad pa trata y salba cachonan a bolbe pasa den un caso lamentabel.
Tawata den oranan di atardi cu polis a bay Sero Janchi, unda cu permiso di un doño a construi un area pa pone algun cacho.
Kiki cu ayudo di mas hende a haya material y asina cera un parti pa algun cacho haya un hogar, te ora nan por wordo adopta.
Destruccion y ladronicia
Despues di hinka asina hopi esfuerso y energia den e proteycto aki desconocinan a bin a destrui e luga y tambe a cende candela. Un candela cu si Brandweer no a yega na ora por a mata e cachonan eyden cu tawata indefenso. Tambe nan a horta varios Kennel.
Sra. Kiki a pasa y ta pasando hopi biaha den problemanan unda cu bisiña/nan por ehempel na Paradera unda e ta bibando ta yama Polis.
Tur esaki debi cu e tin basta cacho y ta wanta nan te ora cu un persona por tin un hogar pa e animal.
Su amor pa e bestianan a causa su persona hopi tristesa tambe. Segun Sra.Kiki a conta nos e tin un cas na Sabana Basora pero lo no por bay eynan. E cas ta pega cu otro casnan y esaki den pasado a causa masha hopi molester. Door di e cantidad grandi di cachonan.
Awor cu e la haya un area aleha cu no ta causa problema na ningun persona tampoco ta bon. Kiko por ta motiva un persona pa haci algo asina contra algun animal indefenso?
Sra.Kiki mes lo conta na Ingles ariba e Video di kiko a pasa.
Por mira imagennan prome y despues di con e luga a keda.
E diaranson ey, e la keda cerca drumi den auto segun nos a compronde pa proteha e bestianan, si acaso e persona/nan regresa pa haci daño na e animalnan.
Si bo ta stima bo cacho/pushi Sterilisa nan pa asina evita tipo di situacionnan manera esaki. E bestia no por yuda, abo si como Humano por salbe di pasa hamber y sed ariba caya despues.
Un persona cu kier of ta pasa lastima animalnan indefenso ta un persona cu ta sufri di un problema mental y lo mester ayudo profesional.
