177
Pavia Country Club – Diaranson merdia polis y brandweer a bay cas di ex Minister Otmar Oduber, debi cu tin candela den e cas.
Na yegada di polis mester a confirma si enberdad tin candela y esaki a resulta berdad. Brandweer cu a yega casi mesora cu polis a mira huma, y mesora a baha bay paden.
Tawata tin bastante huma saliendo. Mientrastanto otro Brandweer a yega y mas polis unda a bay over na cera e caya.
Nos no conoce e cas di Sr.Oduber pero nos por a mira cu e parti dilanti banda pa zuid Bomberonan tawata kibrando glas, posiblemente pa yega na e candela.
Por a mira un Sr.Oduber bastante emociona cu e situacion di e candela. Tawata tin un momento cu Sr.Oduber lo a bay paden y bin pafo ta tosa posiblemente causa door di e huma.
Na final polis a bay over pa pone Lint geel y cera e area dilanti cas di Sr.Oduber. Pa asina posiblemente cuminsa cu un investigacion.
